Naturbruk

Naturbruk Vg2, Landbruk og gartnernæring, økologisk

Her får du praktisk erfaring med økologisk landbruk og gartnarnæring – midt i verdsarvnaturen i Aurland.

Søknadsfristen for skuleåret 2026/2027 er 1. mars 2026.
Skulestart er rundt 18. august 2026.
Vi tek opp elevar så lenge vi har ledige plassar. Søknader som kjem etter fristen, blir handsama gjennom det elektroniske søknadsskjemaet.

Har du spørsmål? Klikk her for å finne kontaktinformasjonen vår.

Opptakskrav

• Fullført Vg1 Naturbruk (etter Kunnskapsløftet), eller 
• Fullført Grunnkurs Naturbruk (frå Reform 94), eller
• Tilsvarande kompetanse

Søkjarar med Vg1 Naturbruk har førsterett.
Dersom det framleis er ledige plassar, kan søkjarar med Vg1 eller meir frå andre programområde bli vurderte, dersom dei kan dokumentere tilfredsstillande landbrukspraksis.
Les meir om inntakskrava her.

Dette lærer du i naturbruk dette skoleåret

Produksjon og tenesteyting – praktisk arbeid med jord, planter og dyr

I dette faget jobbar elevane med grunnleggjande landbruksoppgåver: jordkultur, plantekultur, husdyr og teknikk.
Du lærer korleis jord, planter og dyr heng saman i økologisk og berekraftig produksjon.
Fleire av emna blir fullførte i Vg2, medan andre går over to år.

Forvaltning og drift – naturbruk, økonomi og berekraftig ressursbruk

Her lærer du korleis vi tek vare på og brukar naturressursane våre på ein klok måte. Faget inneheld:

• Naturbruk: kartlegging og forvaltning av ulike naturtypar, som skog, kulturlandskap og vassdrag
• Bedriftsetablering og økonomi: korleis drive ei verksemd i landbruket
• Innhøsting og lagring: frukt, grønt og andre råvarer
• Jordarbeidsprosjekt: praktisk arbeid og øving i felt

Yrkesfagleg fordjuping (YFF) – vel fagretning og få erfaring frå yrket

I YFF får du velje fordjuping innan dei fagområda du er mest interessert i.
Faget går gjennom heile året, og du jobbar med konkrete oppgåver knytt til det området du vel.

Du kan få praksis på gardsbruk, i verksemder eller på skulegarden.
Her vekslar du mellom praktisk arbeid, noko teori og oppgåveløysing.

Les meir om yrkesfagleg fordjuping.

Du kan lese meir om fag- og timefordeling på vilbli.no.

 

Naturbruk Vg3 , Landbruk, økologisk

Vi legg vi stor vekt på å få til eit heilskapleg opplegg, med best mogeleg samanheng mellom teori og praksis gjennom dei to skuleåra. Vg2 og Vg3 vert difor lagt opp som eit toårig løp (søknad må sendast for kvart år), der undervisinga på Vg3 startar med eit sommarkurs på omtrent tre veker. Dette foregår i siste halvdel av juni og første halvdel av juli, med litt variasjonar frå år til år når det gjeld datoar.

Deretter får elevane omtrent fem vekers ferie fram til «ordinær» skulestart som er rundt 20. august (pluss/minus).

Sommarkurset startar rundt 20. juni 2026.
Vi tek opp elevar så lenge vi har ledige plassar. Søknader som kjem etter fristen, blir handsama gjennom det elektroniske søknadsskjemaet.

Har du spørsmål? Klikk her for å finne kontaktinformasjonen vår.

Opptakskrav

For å bli teken inn på Naturbruk Vg3 Landbruk, økologisk, må du ha:

• Fullført Naturbruk Vg2 Landbruk og gartnarnæring, økologisk, eller
• Tilsvarande fagbakgrunn

Søkjarar med Naturbruk Vg2 Landbruk og gartnarnæring, økologisk har førsterett.
Deretter tek vi inn søkjarar med Naturbruk Vg2 Landbruk og gartnarnæring (ordinær eller annan spesialisering).

Les meir om opptakskrava her

Dette lærer du i naturbruk dette skoleåret

Plante- og husdyrproduksjon – fordjuping i jord, planter og dyr

Dette faget vidarefører Produksjon og tenesteyting frå Vg2.
Her lærer du meir om praktisk og teoretisk plante- og husdyrfag, inkludert:

• jordlære og plantekultur
• stell og hald av ulike husdyr
• mjølkeforedling i praksis
• husdyrbygningar
• landbruksmaskiner og teknisk utstyr

Du går djupare inn i fagområdet, og lærer å vurdere ulike driftsformer og resultat. Faget har 12 timar i veka.

Gardsdrift – drift av økologisk gard og driftsplanlegging

Dette faget byggjer vidare på Forvaltning og drift frå Vg2 og gir deg innsikt i korleis ein økologisk gard fungerer som ei verksemd. Du lærer å:

• forvalte ein gard innanfor dagens rammevilkår for norsk landbruk
• sjå garden som del av eit større samfunns- og ressursbilete
• gjennomføre ei tverrfagleg driftsplanleggingsoppgåve gjennom heile skuleåret

I driftsplanen tek du utgangspunkt i ein reell gard og lagar ein plan for dei produksjonane du er mest interessert i. Faget har 6 timar i veka.

Utmark og kulturlandskap – skjøtsel, naturforvaltning og tradisjonsbygg

Dette faget vidarefører tema frå Forvaltning og drift på Vg2.
Hovudvekta ligg på praktisk skjøtsel og forvaltning av:

• skog
• utmark
• kulturlandskap
• kulturminne og bygningar

Elevane får også opplæring i tradisjonelt handverk, som grindbygg, med praktiske øvingar utover seinvinteren. Faget har 5 timar i veka.

Valfrie programfag – økologisk landbruk og naturbasert næringsutvikling

På VG3 vel du to programfag. På SJH følgjer alle elevane:

1. Økologisk landbruk

Her får du fordjupe deg i økologiske driftsformer og berekraftig ressursbruk i tråd med den nasjonale læreplanen.

2. Naturbasert næringsutvikling

I dette faget får du arbeide med eigne interesseområde, til dømes:

• Garden som ressurs (Inn på Tunet, naturbasert reiseliv)
• Matproduksjon, mathandverk og foredling

Faget inneheld også fellestimar om kartlegging av ressursar, marknad, økonomi og drift av ei verksemd. Begge faga har 5 timar i veka.

Samlings- og nettbasert undervisning

Kan du ikkje bruke to fulle år på SJH? Enkelte år tilbyr vi Vg3 samlings- og nettbasert for dei som ikkje har høve til å bruke to fulle år på SJH. Les meir om samling- og nettbasert undervisning.