Landslinje

Økologisk landbruk ved Sogn Jord- og Hagebruksskule

Drøymer du om å gjera ein forskjell for natur, miljø, dyr og menneske? Vil du å ta del i eit læringsmiljø som både er praksisnært og framtidsretta i eit levande landskap mellom fjell og fjord? Då kan Sogn Jord- og Hagebruksskule vere staden for deg.

Bli elev ved Noregs einaste regenerative og økologiske naturbruksskule

På Sogn Jord- og Hagebruksskule får du ei utdanning der teori og praksis heng tett saman. Garden og naturen er klasserommet, og du lærer gjennom arbeid med jord, plantar og dyr. Utdanninga passar for deg som vil arbeide praktisk, og som er interessert i berekraftig matproduksjon og bruk av naturressursar.

Kva er ei landslinje?

Dette er eit nasjonalt tilbod i vidaregåande opplæring. Du kan søkje plass uansett kvar i landet du bur, og elevar frå heile Noreg kjem hit for å ta denne utdanninga. Det gir eit variert og engasjert elevmiljø.

Slik lærer du

Undervisninga følgjer året i landbruket og er i stor grad praksisbasert.

Du vil:

• arbeide med jord, plantar og dyr
• delta i dagleg drift av garden
• vere med på såing, stell og innhausting
• få ansvar gjennom faste oppgåver

Timeplanen blir tilpassa sesongane og arbeidet som skal gjerast.

Vidare moglegheiter

Etter fullført VG3 blir du agronom i økologisk landbruk.
Du kan arbeide innan:

• landbruk og matproduksjon
• husdyrhald og planteproduksjon
• matforedling
• eiga verksemd
• naturbasert reiseliv

Livet på skulen

Som elev vert du del av eit varmt og inkluderande miljø, med moglegheit til å bu på internat og delta i eit variert fritidstilbod – frå ridebane, musikkrom og elevhage til idrettsanlegg, kulturliv og naturopplevingar rett utanfor døra.