Har du agronomutdanning, pedagogisk utdanning eller relevant arbeidserfaring og/eller interesse for jordbruk, formidling og/eller klima? Vil du lære om andre kulturar, og er motivert til å bu ein periode i utlandet? Då bør du lese vidare!
Sogn Jord- og Hagebruksskule (SJH) i Aurland har støtte frå NOREC (Norwegian Agency for Exchange Cooperation, tidlegare Norsk Fredskorps) til å koordinere eit spennande utvekslingsprosjekt i samarbeid med Stiftelsen Nyenga i Uganda. Det er søkt om forlenging av prosjektet, og med atterhald om finansiering søkjer vi etter to prosjektdeltakarar.
Prosjektet fokuserer på å tilpasse matproduksjonen til klimaendringar, utvikle skulehagar og organisere opplæringsprogram for bønder og studentar, inkludert feltopplæring og demonstrasjonar av prosjektresultat.
Fire unge vaksne, to frå Noreg og to frå Uganda, deltek i utvekslingsprogrammet i løpet av vekstsesongane i Noreg og Uganda. Prosjektet startar i januar 2026 og varer i 14 månader, inkludert to månader med etterarbeid.
Førebels er utvekslingsopphalda fordelte slik:
- Januar: Førebuande kulturutvekslingsprogram i Nairobi, Kenya
- Januar til april: Nyenga, Uganda
- April til september: SJH i Aurland, Noreg
- September til desember: Nyenga, Uganda
- Januar og februar: Etterarbeid (formidling og føredrag i Noreg)
Arbeidsoppgåver
- Klimasmart matproduksjon: Vidareutvikle klimasmarte jordbruksmetodar og frøbankar for å styrkje matberedskapen.
- Skulehagar: Etablere rutinar for skulehage og uteundervisning. Organisere opplæringsprogram for bønder og studentar, inkludert feltopplæring og demonstrasjon av prosjektresultat.
- Vere involvert i skulejordbruket, som er eit fag ved skulane til Stiftelsen Nyenga og Sogn Jord- og Hagebruksskule.
- Delta på ekskursjonar.
- Rapportskriving og dokumentasjon av prosjektresultat.
- Halde føredrag og drive formidlingsarbeid etter endt praksisperiode.
Prosjektet har namnet «Strengthen Food Preparedness and Income Opportunities through Climate Adaptation and Sustainable Farm Production Systems» og har som mål å fremje berekraftige jordbruksmetodar for å styrkje matsikkerheita. Deltakarane deler kunnskap og erfaringar innan klimavenlege og økologiske jordbruksmetodar gjennom aktiv deltaking i arbeid knytt til undervisning i jord- og hagebruk både i Noreg og Uganda.
No startar prosessen med å finne deltakarar til utvekslingsprogrammet i 2027. Vi ser etter to engasjerte unge vaksne som ønskjer å vere med på å vidareutvikle prosjektet. Deltaking i utvekslingsprosjektet gir verdifull kunnskap om jordbruk og undervisning på tvers av kontinent og landegrenser, unik utanlandserfaring og spanande, utfordrande og lærerike kulturmøte.
For meir informasjon:
Børre Solberg
Rektor ved Sogn Jord- og Hagebruksskule
E-post: borre.solberg@vlfk.no, Telefon: +47 412 19 505
Anne Grete Kjørrefjord
Styremedlem i Stiftelsen Nyenga
E-post: anne.grete@nyenga.org, Telefon: +47 909 37 599
Kvalifikasjonar
Mellom 18 og 35 år
- Utdanning innan landbruk, pedagogikk, klima eller liknande fagfelt
- Interesse for jordbruk
- God munnleg og skriftleg framstillingsevne i norsk og engelsk
Ønska kvalifikasjonar, men ikkje eit krav:
- Tilknytning til Sogn Jord- og Hagebruksskule
- Utanlandserfaring
- Kjennskap til Uganda/Øst-Afrika
Personlege eigenskapar
- Er audmjuk og har god refleksjonsevne i møte med ulike kulturar, religionar og levemåtar.
- Er flink til å byggje relasjonar med studentar, lærarar, bønder og andre samarbeidspartnarar, både i Nyenga og i Aurland.
- Er moden og trygg på deg sjølv, og kan handtere eit lengre utanlandsopphald.
- Er motivert for å bu på den ugandiske landsbygda.
- Er initiativrik, lærevillig og har auge for gode løysingar.
- Er fleksibel og omstillingsdyktig.
- Har evne og vilje til samarbeid.
Personlege eigenskapar vil bli tillagde stor vekt.
Vi tilbyr
- Ei godtgjering/ månad - Norec sine retningsliner og godkjend budsjett for utvekslinga sett ramma for dette.
- Alle reise, opphaldskostnader, visum, forsikringar mm dekkast av prosjektet.
- Ei spennande og annleis oppleving