Vil du lære å foredle mjølk til eigne handverksprodukt? Frå 16. til 20. november 2026 arrangerer Sogn Jord- og hagebruksskule innføringskurs i ysting. Kurset gir grunnleggande kunnskap om mjølkeforedling, mikrobiologi, syrning og osteproduksjon, og passar både for nybyrjarar og deg som vurderer småskala produksjon.
Sogn Jord- og hagebruksskule (SJH) inviterer til eit fem dagar langt innføringskurs i ysting. Kurset gir deltakarane ei solid innføring i ystefaget gjennom både teori og praktisk arbeid.
Kurset er eit godt utgangspunkt for deg som ønskjer å foredle ku- eller geitemjølk til handverksprodukt, enten av personleg interesse eller med tanke på framtidig næringsverksemd. Deltakarane får innsikt i råvarekvalitet, syrning, mikrobiologi og grunnleggjande ysteteknikkar som er nødvendige for å kunne yste av rå mjølk.
Gjennom kursveka får deltakarane arbeide med:
- Teoretisk og praktisk foredling av mjølk
- Kjemisk innhald i mjølk
- Mikrobiologi, mjølkesyrebakteriar og startkulturar
- Koagulering, ysting, salting og modning av ost
- Hygiene, vask og reinhald
- Bruk av ysteutstyr
- Besøk i ysteri
- Produksjon av ulike mjølkeprodukt, mellom anna dravle
Kurset gir oversikt over ystefaget og oppskrifter som kan prøvast ut heime. Målet er at deltakarane skal få nødvendig grunnkompetanse for vidare arbeid med mjølkeforedling.
Erfaren faglærar
Kurset blir leia av Lise Brunborg, eigar av Stavanger Ysteri. Ho har lang erfaring med handverksmessig osteproduksjon og underviser mellom anna på studiet Handverksysting – verdiskaping i mjølkeforedling ved SJH. Brunborg er òg kurshaldar og rettleiar innan mjølkeforedling gjennom Norsk Gardsost og Kompetansenettverk lokalmat.
Her kan du lese meir om Stavanger Ysteri
Praktisk informasjon
Tid
16.–20. november 2026
Oppstart måndag kl. 17.00
Avslutning fredag kl. 15.00
Stad
Sogn Jord- og hagebruksskule
Pris
Kr 6 000,- inkludert lunsj og middag alle dagar. Frukost og overnatting kjem i tillegg.
Målgruppe
Kurset passar for både nybyrjarar og personar med noko erfaring innan mjølkeforedling.
Påmelding
Kurset har venteliste.
Spørsmål om deltaking
Les meir om kurset på nettsida til Kompetansenettverk lokalmat