SJH har i vår fått god hjelp av flittige ungdomar frå Steinerskulen i Bergen.
I ei veke fekk 9. klasse frå Steinerskulen avd. Paradis i Bergen bu på internatet og ha ulike oppgåver på garden. Dei har jobba med jordarbeid og utplanting i marknadshagen, tradisjonsbakst og foredling av grønsaker og kjøt, stell av tomatplanter, mjølking av geit og kyr og dessutan lært seg å yste kvitost. Det har vore lærerike og interessante dagar. Me ynskjer dei velkomne tilbake i haust.