Ressurssenteret tek seg av omvisingar, kurs og prosjekt utanom den ordinære undervisinga.
Omvising 
Vi ønskjer alle velkomen til Sogn Jord- og Hagebruksskule. Her kan de få omvising på skulegardsbruket. Om de ynskjer, kan vi leggje opp spesielle tema, som vekstskifte, økologisk husdyrhald, lokal foredling, arbeidshest, skulehage eller garden som pedagogisk ressurs.
Ta kontakt med oss om de ønskjer å koma på besøk. Pris etter avtale. Landbruksskular får tilbod om ein time gratis omvising. Det er høve til å kjøpe mat på skulen sitt internat. Prisar på overnatting og måltid for gjestar finn du her. Det vert servert økologisk mat av råvarer frå skulegardsbruket. Det er også vegetarisk meny.
Kurs
Ressurssenteret arrangerer mange etterutdanningskurs for bønder og småskalaprodusentar, sjå kursoversikten vår. I skulen sitt ysteri er det fleire ulike kurs i ysting med Pascale Baudonnel og Ragnhild Nordbø. Mange av kursa er arrangert i samarbeid med Kompetansenavet Vest.
Prosjekt
Ressurssenteret organiserer ulike prosjekt som er knytt til økologisk landbruk og til undervisninga ved skulen. I prosjektarbeidet samarbeider vi med mange andre organisasjonar som arbeider for økologisk landbruk. For tida jobbar vi med prosjekta:
- Hest i ny Næring
- Marknadsstrategi- foredling av økologisk kjøt ved SJH,
- Nasjonale retningslinjer for småskala mjølkeforedling (bransjestandard)
- Nasjonalt Geitesenter i Aurland
- Økoløft i Kommunen
- Fagskule i økologisk landbruk
- Stølsdrift i Kårdalen
I tillegg har fylkeskommunen sett i gang prosjektet: SJH som regional utviklingsaktør. Vi arbeider heile tida med utvikling av nye prosjekt, så tips oss gjerne om nye tema. Ressurssenteret organiserer gard-skulesamarbeid mellom skulegardsbruket og Aurland Barne og Ungdomsskule.
Kontakt Ressurssenteret:
E-postadresse kurspåmelding:
paamelding.sjh@sfj.no